CollageMaker_20190905_010635758
近年社交網塑造唔少網紅,呃like已成文化,放上網前P圖更係不可缺少嘅重要步驟,佢哋嘅執相技術超凡,相同真人極大分別,修圖成癮!前晚無綫《東張西望》請來幾位網紅剖白,其中一位係𡃁模出身嘅謝芷蕙(Cammi),早年曾被指與形象指導張學潤(Nel Nel)撞樣,而近年自從搵到有米男友淡出幕前後,樣貌多次進化,大眼睛、高鼻、尖下巴,成個package清一色網紅樣,加上生活突然富貴,成為熱話。

節目中Cammi現真身上街做對比測試,唔少途人不但認唔出佢,仲話真人靚過相!有人話「成個人都唔似樣」,亦有人讚佢「真人比較好睇」,Cammi表示:「身邊都有朋友覺得我P圖過分咗,唔似我本人,真人生動啲,但我鍾意P咗圖嘅自己,可以滿足到自己,所以我都會繼續P!」

此外,仲搵咗早前推出寫真集嘅網上平台主播宣娜(Sheena),指自己顏值只有30分,所以除咗化妝,仲要靠直播嘅濾鏡。Sheena指粉絲們大部分係老年男性,明言唔係騙局,因為五官變動唔大,更表示試過直播一晚收禮物接近80萬港幣,同網上平台分佣後都穩袋約30萬!

前日上咗節目《東張西望》,喺街上大玩真人測驗。

大方晒身材!

 

名牌袋不停換,周遊列國。

 

同網上平台分佣後都穩袋30萬!

 

有街坊認唔出Cammi!

 

不時向網民派軍糧。

 

宣娜直播時會用濾鏡,提升顏值。

 

大眼、高鼻,樣貌進化!

 

社交網有唔少Followers,人氣高企。

 

試過一晚收禮物接近80萬港幣。