312312123132_18760613035d39793495122

由強尼和火火主持嘅ViuTV綜藝節目《對不起標籤你II》開播數集,與觀眾一齊反思標籤行為,每集會有不同主題同嘉賓。日前播出的一集以身材較豐滿的女生(俗稱「Double May」)為主題,節目唔止搵真嘅「Double May」做現身說法分享當中煩惱,仲搵咗藝人Odilia(陳康琪)做客席主持人,扮一日「Double May」,睇吓有冇畀外界標籤,期間仲去咗大型連鎖電器店做測試㖭!到底有冇著數先?

【對不起標籤你II】 嘉賓陳彥行:我性感唔等於淫蕩!

擁有豐滿身材的陳彥行(行姐) 作為「Double May」,她在節目中以過來人分享的自身經歷及感受,她自言不是性感女星的代表,但無奈角色多數與其身材有關係,她說:「如果我覺得係工作範圍內既,會當係工作嘅一部分,就會一笑置之。如果私底下嘅話,我會劃清界線,我想講一句,我性感唔等於淫蕩。」

《對不起標籤你II》仲請來四個嘉賓,節目中的Tagger成員要從中估邊個至係真正被標籤的對象,當中擁有40L上圍嘅畫家海諾表示,兒時媽媽因為佢上圍太大而帶佢睇醫生,但佢話自己唔係病而係天生。雖然她冇因為胸大而搲著數,都是係人家自動畀好處她,例如買白切雞大叔會多送兩條紅腸!但身材豐滿也帶來煩惱,例如跳舞要用繃帶束胸,走在街頭畀人以猥瑣目光喪𥄫,仲試過畀人故意撞胸部,情況最壞係試過被跟蹤。

節目派出Tagger阿神(曾贊學)和Odilia(陳康琪)體驗「Double May」的生活。阿神「升級」後大到放得上枱,他被製作人員安排在旺角一商場門口徘徊,期間畀途經嘅大叔偷望。

而升級後的Odilia則被安排在油麻地街頭扮等人,期間有3位男士主動上前搭訕,仲有人直接「問價」,Odilia表示:「如果我有咁樣嘅身材,香港係未有地方唔應該行過或者有危險?我覺得係未有。原來大波妹拎住咁嘅身材出街係一定有壓力,同埋一定有視姦呢樣嘢發生,佢唔係輕輕望一望就算,佢係一直scan你,感覺好似就嚟食咗你,好唔舒服。」感覺好難受!

扮Double May買電話有著數?

Odilia先係帶著平平無奇嘅身材去到連鎖家電店買電話,結果零優惠之餘,部電話要$6998,店員話係公價冇得平,而且只係得手機套、玻璃貼呢兩款贈品。

但同日Odilia作大變身第二次去舖頭,見佢素顏、戴眼鏡、樣子土氣,但裝大胸女仲要露臍露纖腰,去番同一間連鎖電器店,結果唔止有幾位店員埋去招呼佢,電話嘅價錢就係$5998蚊,而且獲贈藍芽耳機、外置充電器、手機套、記憶卡,仲有600蚊信用卡飛行里數,睇番手機價錢都相差成千蚊,贈品仲多好多!

超初Odilia得一位店員招呼,及後就多一位店員,同時又有多位男客人擠在Odilia附近徘徊,疑似喪𥄫!

網民點睇?

節目出街後,引來網上熱議,唔少網民也認為「Double May」多著數,好幸福又羨慕咁話,也有巴打認為「Double May」的另一半更幸福!

又有網民認為既然升CUP有著數,下次買電話要裝假狗,也有巴打認為依家啲胸圍功能勁,升咁多CUP都神不知鬼不覺!

 

但同時也有心水清嘅觀眾發現「Double May」兩次測試都遇上唔同的店員,而且問嘅電話型號也不同,送的贈品自然唔同,贈品價錢唔同,故難以作比較!

廣告

廣告

 

 

陳康琪接受傳媒訪問,話原本上彈前充滿自信,但裝假狗及穿上短裙仔後畀人眼望望好尷尬,Odilia話原來大胸女咁多唔方便,佢反而開心自己有平平無奇的身材。

 

其實佢都有對靚長腿,一樣吸睛!

廣告