bkn-20190530161408886-0530_00862_001_01b

藝人趙希洛、李施嬅同埋胡蓓蔚近日去泰國旅行,連日嚟三女除咗食好嘢,點少得晒小背心同泳衣留倩影,仲上載到社交網同大家開心Share。今日三女就齊齊去玩直立板,見到趙希洛以一件頭紅色泳衣,露出驕人上圍擺甫士,而胡蓓蔚都唔弱,以三點式火併趙希洛,身材Fit爆嘅佢點睇都唔似47歲,羨慕死唔少網友!至於李施嬅就孖胡蓓蔚趴喺塊板上玩瑜伽,享受日光浴,認真歎到爆!而無綫小花譚凱琪亦加入「戰團」,雖然佢着起兩件頭泳,望落冇咩睇頭,但被網友大讚好有氣質!

趙希洛以一件頭開胸紅色泳衣上陣。

身材Fit爆!

譚凱琪被網友讚有氣質!

認真吸睛!

李施嬅就趴喺度歎日光浴。

胡蓓蔚晒三點式。

仲同胡蓓蔚玩瑜伽!