123

該段短片長約16分鐘,片段開首見到安仔、心穎和男友人坐在車廂後座,男友人堅持先送心穎返家,戴了黑色口罩的心穎竟爆粗反對:「唔好扮嘢啦!X你!兜X咗我先?」安仔都撐心穎先送男友人返屋企,冧爆的心穎搣了安仔耳朵一下,再向男友人爆粗:「你住邊呀?X你!」安仔即叫司機開車往大坑,心穎跟男友人說:「佢(安仔)送我返去呀。」心穎主動蹺實安仔左臂整個人挨在他身上撒嬌,兩人更各用手袋遮掩偷玩十指緊扣。約3分鐘後男友人抵家預備落車,安仔話:「而家你走先,跟住我返我屋企,佢(心穎)返佢屋企。」男友人:「你講堅?」安仔:「係,堅。」惟當男友人落車後,安仔和心穎異口同聲跟司機說:「鯉魚門(心穎屋企)!」和安仔獨處時心穎馬上隔住口罩咀了安仔一啖,10秒後索性除口罩埋身攬安仔啜嘴。

咀完後,兩人繼續十指緊扣,之後隱約聽到心穎說:「so sad…我好悶…教徒」跟住拉開安仔隻手不再緊拖,安仔惟有順勢將手貼在心穎大腿上,3秒後忍唔住又撩心穎十指緊扣。由大坑到鯉魚門短短10多分鐘車程,期間二人連環激咀逾20次,心穎全程採取「主動」情挑安仔不停攬他狂錫,二人錫了近1分鐘,心穎邊咀邊將手放在安仔腿部附近游走;當車輛駛入隧道後,心穎再次飛擒大咬狂咀安仔,其間隱約聽到心穎說:「…返屋企,唔好驚喎!」雖然9成時間都是心穎「主攻」,但安仔卻表現受落有錫了心穎面珠一啖,更越坐越低,似乎擔心被隔鄰車輛發現,而心穎相當識做,咀完就戴口罩遮樣,又不停幫安仔拉下cap帽遮掩。雖然,當晚心穎表現看似有點醉意,更不時「鬼妹仔」上身大講英文,但差不多抵達目的地時,本來嗲聲嗲氣跟安仔說話的她,竟忽然轉tone跟司機說:「去到燈位轉右,唔該!」。而安仔有點疲態但未覺有醉意。兩人到心穎香閨後齊齊落車,後事如何佢哋最清楚!

「安心偷食」極大可能發生於本月3日,事關當日心穎曾在IG上載跟安仔、方力申、劉浩龍、梁漢文、丁子高等出席男友人生日飯局的照片,當晚二人的打扮,跟在車廂的衣服一模一樣。

去年10月,心穎同安仔在大台「星光熠熠耀保良」拖手合唱《會過去的》,就是由安仔身邊的男同事安排。當晚,心穎跟安仔合唱後,亦有在IG上載合照,縱使當時他們已經「行埋」一段時間,惟二人全程交足戲故作陌生,心穎在IG寫:「好記得某年暑假、車上不停loop住《一步一生》呢首歌,當時我點都唔會估到十幾年後會有機會同安仔在台上合唱。世事真係好微妙。仲係人生第一次踏上紅館的舞台!Thank you 安仔好好咁不停同我地rehearse。」

黃心穎與許志安於2018年10月為籌款節目《星光熠熠耀保良》合唱,二人在台上手拖手獻唱合唱歌曲「會過去的」,當時已經默契十足,不時情深對望。