CollageMaker_20190207_005308543

唔知大家仲記唔記得陳冠希前女友Cammi謝芷蕙呢?依家23歲嘅Cammi真係除咗已經女大十八變之外,最近佢仲忽然富貴,喺個人社交網大晒價值500萬人仔嘅名車單據!

 

23歲謝芷蕙富貴兼變樣

話說當年Cammi以16歲嘅年紀勇闖娛樂圈做嫩模,唔計佢個樣被指似足NelNel張學潤之外,仲有就係佢同陳冠希嘅戀情最爆!

雖然當年Cammi同陳冠希親蜜照於網上曝光後,成功令佢成為大眾話題及認識。但紅極都紅唔起又撈唔嘅Cammi其後又同王浩信傳緋聞,之後13年仲冧掂強國富二代阿杰,過住闊太生活,但戀情只係維持四年就玩完。

497f11e6gw1eydkfx8uw9j20yi0n2woaAA

497f11e6gw1eydkfx8uw9j20yi0n2woaA

 縱使事業、愛情均無起色,已經23歲嘅佢原來個樣已經唔同晒!睇番佢依家啲近照,同當年16歲真係判若兩人,差啲都認唔出佢就係Cammi!

激似吹氣公仔

除咗同當年一樣咗面細細同尖之外,對眼就大咗10倍,真係唔知Cammi係化妝定P圖技術勁啲?不過可以肯定佢一定係女大十八變,仲要係大變靚!

大個咗嘅Cammi依然都係咁瘦,但連身材就明顯升級,不時仲會派下福利圖!然而睇相見佢見都係出入啲高級地方,似乎幾富貴咁!

有網友睇到Cammi大個咗嘅,就留言話:「成個吹氣公仔咁」、「佢個樣變成咁,估唔到都有咁多人鍾意」等等,唔知大家點睇呢?

晒名車

另外,最近佢仲喺個人社交網上載自己買入價值500萬人仔名車嘅單據,真係忽然富貴咗!

不過Cammi冇幾耐就急急澄清指:「我開個玩笑,大家別太認真。」,原來所謂嘅單據都係假嘅!