CollageMaker_20190116_190021381

今日社交網興玩#10yearchallenge,好多藝人都將自己10年前、10年後嘅相放上網,最近憑《大帥哥》天嬌一角而人氣急升嘅譚凱琪就將2009年舊相同2019年新相拼埋一齊對比,佢留言話:「人生有幾多個十年」,相中所見佢真係冇乜點走樣,淨係條眉變咗!網友見到佢張相都話:「都係咁靚」,仲問佢用開邊隻防腐劑添!

 

 今年 39 歲的張繼聰大隻咗好多,胸肌同手瓜大勝從前,而且留鬚甚有男人味!睇返10年前仲未夠 30 歲的他,仍然一臉稚氣,染有一頭紅啡曲髮,MK味濃!阿聰自己就話「好感激依10年,心境嘅改變比外表變化更大」。10年年初為人父,與現今成為一仔一女的爸爸,確實成熟穩重了不少!

馮盈盈10年前只有14歲,是名中二學生!踏入青春期的FYY 與現時身形相近,不過穿上似是表演用的桃紅裙裝,再襯上當時中學生流行的髮髻,甚為老土。FYY仲大爆當時無化妝、無畫眉,甚至尚未發育,連她也大叫:「小姐 你邊位?」不過小編就覺得依然有7-8分相似!

Ella官恩娜已經生咗一對仔女,10年來生活變化甚大,睇返當年,佢塊面確實面腫腫帶點膠面,依家自然得多啦!10年前Ella 半紅不黑,直至2009年參加TVB節目「超級巨聲」得到大家關注,開始參與更多演藝發品牌工作。Ella分享舊照同時感觸:「人生真係話唔埋,永遠唔知聽日發生咩事,所以我係好熱愛生命!因為生命永遠為我帶來驚喜!我就係10年前識我老公,好多謝佢俾咗一個咁溫暖幸福嘅家庭我!仲有一對仔女!我真係非常感恩! 」

藉著#10yearchallenge熱潮,何雁詩發現自己原來剛好出道10年!2009年Stephanie參加了第一屆《超級巨聲》而簽約TVB,正式入行,大家可以話係睇住佢大,當年只有 16 歲的Stephanie仍是名學生妹,依家亭亭玉立,識得打扮,索咗好多!

TVB藝員趙希洛,10年前剛出道,留有一頭黑長髮,少女味濃。今年36歲的Candice 跟 10年前模樣相似,同樣喜歡化濃眼妝,但染了金啡髮色就更有女人味。

森美大哥唔玩#10yearchallenge,改玩 #10minutechallenge ,果然如他所講「唔洗等十年先有改變啦,朝頭早起身梳洗前同梳洗後,十分鐘都夠大分別啦!」

倪晨曦(Elva)亦在昨晚上載一張十年前後的對比圖,留言﹕「由小傻妹變成大傻妹」。有網民指她女大十八變,但亦有人覺得以前的她比較多膠原蛋白。

 

上載對比圖不是女藝人的專利,51歲的胡渭康有見及此,表示﹕「人玩我又玩」,他上載了十年前後的對比圖,不少網民大讚他成熟穩重又有男人味,他才是保養得最好,像吃了「防腐劑」!

憑《跳躍生命線》備受好評、獲得「飛躍進步男藝員」的何廣沛,也跟風上載對比圖,相中可見他十年前梳了一個「飛輪海」頭,現在則白淨靚仔了,有網民以「男神成熟時」來形容他。網上圖片