bkn-20190115101650959-0115_00862_001_01p

藝人簡淑兒(Jessica)近日喺劇集《大帥哥》同《救妻同學會》分別飾演「娸娸」同「婉婉」,令其成功入屋,粉絲人數增加不少。呢日Jessica就喺網上分享一張「床上照」,佢坐喺張床望住鏡頭展露其甜美笑容,加埋佢笑嘅時候雙眼變成腰果眼,真係迷倒一班男士,Jessica仲發文鼓勵大家要有正能量,要相信自己!大家都話睇見Jessica個迷人笑容,認真醒神晒呀!

 

其實簡淑兒(Jessica)自2012年開始擔任TVB娛樂新聞台主播時,就已吸納不少粉絲。當時初出道的簡淑兒還是23歲,帶一點Baby Fat再加上,楚楚可憐的眼神,真的迷死不少男性動物。不過現時已經出道6年的她,不單演技成熟了不少,連身型也起了變化,操肌練出六舊腹肌。

簡淑兒飾演嘅「裘娸娸」真係好可愛,可惜戲份唔多出場又少。(IG圖片)

簡淑兒飾演嘅「裘娸娸」真係好可愛,可惜戲份唔多出場又少。(IG圖片)

簡淑兒(Jessica)在IG上與粉絲分享了自己健身「特訓」的成果,窈窕而有肌肉的身型下,還露出一排六舊腹肌,想不到柔弱的外表下,藏著一副健美的身型。簡淑兒(Jessica)接受訪問時表示,自己是在半年前開始做Gym健身。簡淑兒:「其實當初只係想有腹肌,之前教練見我少少成果,所以就幫我影咗張相。不過做Gym嗰時冇化妝,所以唯有遮住塊臉,哈哈哈。」

估唔到Jessica平時嬌滴滴,原來都有六舊腹肌。(IG圖片)

估唔到Jessica平時嬌滴滴,原來都有六舊腹肌。(IG圖片)

連佢本人都話自己「為食」,睇佢IG相,好多都係食緊嘢...(IG圖片)

連佢本人都話自己「為食」,睇佢IG相,好多都係食緊嘢…(IG圖片)

簡淑兒其實係「飯」桶

說到食飯的話題,其實簡淑兒已是朋友圈中有名的「飯」桶,並不是說她「做嘢成舊飯咁」,而是因其鍾愛米飯的程度。簡淑兒:「我記得以前拍劇嗰時,導演仲會笑我成日食肉餅飯,我以前仲可以食晒成碟碟頭飯。不過本身個人實在太為食,好多嘢都跟唔足,但係自己都會留意啲。譬如打邊爐而家就會唔較嗰啲醬,出街食飯嘅話就會食少啲飯,濃味嘅嘢又會食少啲,不過每一個星期都會畀自己放縱下。」

除咗戒口之外,簡淑兒仲要一星期做三日運動。(IG圖片)

除咗戒口之外,簡淑兒仲要一星期做三日運動。(IG圖片)

減肥健身的過種中,簡淑兒還養成了一個小習慣。簡淑兒:「我會一日食一個蘋果。可能女仔少做運動,所以變咗腸胃會冇咁好。我覺得腸胃唔好都會影響身型,一日食一個蘋果之後係有幫助嘅。同埋飲多啲水囉,有時半夜肚餓、好想食宵夜嘅時候,就會狂飲水,飲飽佢,哈哈。呢個都Work巳嘅!因為我聽人講,一日食足三餐嘅話就已經足夠一個人要吸收嘅營養。半夜肚餓,其實只不過係身體想吸收糖分,所以唔食都唔會影響身體健康,反而食咗仲會易有痴肥。」

簡淑兒話自己用咗半年時間先練成六舊腹肌。(IG圖片)

簡淑兒話自己用咗半年時間先練成六舊腹肌。(IG圖片)

如果萬一食多了怎麼辦?簡淑兒說:「我教練都話叫我唔使太刻意去節食,如果食得太多運動多啲,減返佢。我而家盡量都一個星期去三日Gym Room,一次兩個鐘左右。頭一個鐘做重量訓練,第二個鐘就跑步、Sit-Up嗰啲。同埋我試過自己去做Gym係完全減唔到,有個教練喺度先可以推動到你去做。」

Jessica為咗目標,其實都下咗好多苦工。(IG圖片)

Jessica為咗目標,其實都下咗好多苦工。(IG圖片)