CollageMaker_20190105_021432287

今個新年特別多賀歲片上映,豬年一定不會悶場,亦不止拜年咁簡單!今日賀歲片《恭喜八婆》終於公開了正式預告,看到預告已經感到非常貼地,無論是地道粗口、「任何仁」、辦公室雪藏人奶還是買樓話題,通通都跟香港人有關!

由彭浩翔執導的賀歲片《恭喜八婆》,由梁詠琪、梁洛施Isabella、徐天佑、四哥謝賢、陳靜Dada、林雪、陳奐仁及陳逸寧等主演,今次Dada繼續大買性感,不時都會以低胸裝在戲中出現。今次故事主題大致圍繞8個八婆,因為好朋友林兆霞錯手拿了Isabella的人奶,沖咖啡給四哥飲,一班八婆為了幫她補鑊,誓要搵番支人奶「填數」。期間成班久未聯絡,各有心病的好姊妹,仲因為呢支奶冰釋前嫌。

四哥話要飲低脂的白咖啡,誰知竟然加了Isabella的人奶。(影片截圖)

Dada為了幫好姐妹搵返枝奶,去到幼稚園搵小朋友幫忙。(影片截圖)

Dada為了幫好姐妹搵返枝奶,去到幼稚園搵小朋友幫忙。(影片截圖)

由藝人楊千嬅、林雪、陳靜(DaDa)主演的電影《恭喜八婆》預告正式登場,一開始就由喜感十足的林雪出場,率先「問候」楊千嬅,更要求千嬅「講英文」,令她目定口呆。千嬅表示預告中的呆樣絕不是演技,而是真實反應:「雪哥中氣十足,現場又好靜,佢一轉身就大大聲同我講『四字真言』,我真係嚇到窒一窒,過咗陣先記得要講對白。」


DaDa的姨甥女「小饅頭」有份參演電影,DaDa讚她演得好好:「得4歲人仔,現場又有咁多人望住佢,佢都冇點怯場,好叻女!」同場與「小饅頭」對戲的陳逸寧大讚她和DaDa一樣有表演天分。

4歲就要儲錢買樓,看似搞笑的一句對白,卻是香港當下的寫照。(影片截圖)

4歲就要儲錢買樓,看似搞笑的一句對白,卻是香港當下的寫照。(影片截圖)

另外,不止姨甥女小饅頭搶鏡,早前彭導設計了一個超越「爆炸糖」的角色給Dada,她不時需穿上低胸衣服,大曬上圍,而身穿低胸衣服的Dada在片中一幕飛撲片段更是非常吸引眼球,Dada自言睇完片都「一額汗」:「拍攝呢場其實要吊威也,第一次拍真係有啲緊張,不過我好信任拍攝團隊,所以都放心俾佢地去處理,最怕反而係走光,做足所有安全措施先上場。」

Dada為恩師去到盡
其實早年Dada以《低俗喜劇》中的「爆炸糖」(徐家欣)奪得第32屆香港電影金像獎最佳女配角,角色十分大膽,她表示聽到「大波蓮」已知道角色的設定,雖然每個人都有底線,要是恩師彭導觸犯了她底線的話,會否不給面子?Dada稱:「我會同佢講唔好囉!不過佢都無嘅,第一日合作時我同佢講過我嘅目標同抱負,大家有默契。同埋佢好叻,可以說服到我去做一啲我以前未做過,同唔敢觸碰嘅尺度。不過佢拍得到同一個角色嘅多面性,呢個先係人生嘅寫照,所以我先咁欣賞佢嘅才華。」